2020 թվականի մարտի 10-ին ‹‹Փորձաքննությունների ազգային բյուրո›› ՊՈԱԿ-ի համակարգչատեխնիկական փորձաքննությունների բաժնի փորձագետները մասնակցել են CyberEast ծրագրի շրջանակներում ծրագրի հայաստանյան խմբի կողմից կազմակերպված, Եվրամիության և Եվրոպական խորհրդի CyberEast նախագծի աջակցությամբ ‹‹Ֆինանսական հանցագործությունները և դրանց հակազդման մեխանիզմները›› խորագրով սեմինար-քննարկմանը, որին մասնակցել են նաև ներկայացուցիչներ՝ ՀՀ արդարադատության և ՀՀ արտաքին գործերի նախարարություններից, ՀՀ դատախազությունից, ՀՀ ոստիկանությունից, ՀՀ քննչական կոմիտեից, ՀՀ պետական եկամուտների կոմիտեից, ՀՀ կենտրոնական բանկից և այլ կազմակերպություններից։ 
CyberEast ծրագիրն աջակցում է Արևելյան գործընկեր երկրներին՝ պատշաճ կերպով հասկանալու տեղեկատվական և հաղորդակցական տեխնոլոգիաների միջոցով օժանդակված ֆինանսական հանցագործության և հանցավոր մուտքերի հետ կապված խնդիրների շրջանակը: 
Սեմինարն անցկացրել են CyAN կիբերանվտանգության կառավարման խորհրդատու Հեյն Դրեյսը, փորձագետ Մայկ Ջեյմերսոնը, CyberEast ծրագրի համակարգող Սեսիլիա Պոպեռը, որի ընթացքում քննարկվել են ֆինանսական հետախուզության աշխատանքները և հնարավորությունները, տիպաբանությունը, ցուցանիշները և հաշվետվության մեխանիզմները, ֆինանսական հետաքննությունների և կիբերհանցագործության հետ կապը, համագործակցության հնարավորություններն ազգային և միջազգային մակարդակներում և այլն: 
Պարբերաբար իրականցվող նման սեմինար–քննարկումների նպատակն է իրավասու ներկայացուցիչներին ծանոթացնելու արդյունավետ միջոցներ մշակող տեղեկատվական տեխնոլոգիաների զարգացման և արդյունավետության բարձրացման, ֆինանսական հանցագործությունների հակազդման մեխանիզմների վերահսկման, թվային շուկաների ներդաշնակեցման ռազմավարության մշակման առանձնահատկություններին, որոնք կնպաստեն համաեվրոպական էլեկտրոնային կառավարման և էլեկտրոնային ծառայությունների մատուցման առկա խոչընդոտների և պատնեշների վերացմանը՝ լուծելով նշված ուղղությամբ առկա բազմաթիվ խնդիրներ:

28 Դեկտեմբեր 2016